Կամուրջ Ալեքսանդր III (ֆր.՝ Pont Alexandre III) - կամարային կամուրջ Սեն գետի վրա Փարիզում։ Միացնում է Փարիզի Հաշմանդամների տունը և Ելիսեյան դաշտեր կամ Շանզ Էլիզե Փարիզի կենտրոնական փողոցը։ Երկարությունը 160 մետր է, Ելիսեյան դաշտերի տեսարանը չփակելու համար կառույցի բարձրությունը չի գերազանցում 6 մետրը ինչն իր ստեղծման ժամանակահատվածի համար համարվում էր մեծ ձեռքբերում։
Կառույցն արված է արտ-նովո ոճով՝ զարդարված քերովբեների, թևավոր ձիերի, հրեշտակների ու նիմփաների արձաններով, ողջ երկայնքով շրջապատված է մոդեռն ոճի լամպերով։
Շինարարությունը սկսվել է 1896 թվականի հոկտեմբերին և ավարտվել 1900 թվականին։ Կոչվել է ռուս կայսր Ալեքսանդր III-ի անունով` ֆրանս-ռուսական դաշինքի պատվին։ 1975 թվականից կամուրջը պահպանվում է պետության կողմից որպես պատմամշակութային հուշարձան։ Համարվում է Փարիզի ամենանրբագեղ կամուրջներից մեկը։
Owlapps.net - since 2012 - Les chouettes applications du hibou