![Սրբոց Երկոտասան Առաքելոց եկեղեցի Սրբոց Երկոտասան Առաքելոց եկեղեցի](/modules/owlapps_apps/img/nopic.jpg)
Սրբոց Երկոտասան Առաքելոց եկեղեցի, հայ առաքելական եկեղեցի Թուրքիայի Ստամբուլ քաղաքի Քանդիլի թաղամասում։ Եկեղեցին փայտաշեն է։
Հայերը Քանդիլի թաղամասում հաստատվել են 18-րդ դարի վերջերից։ Երկու հիշատակարաններ վկայում են, որ 1841 թվականին թաղամասում կար աղոթատեղի։ Ներկա եկեղեցին կառուցվել է 1846 թվականին Պողոս ամիրա Աշնանյանի նախաձեռնությամբ։ Օծվել և պաշտանմունքի համար բացվել է Մատթեոս Բ Չուխաճյան Կոստանդնուպոլսեցի պատրիարքի ձեռամբ, ով էլ եկեղեցին ընծայել է Քրիստոսի բոլոր առաքալաներին՝ այդկերպ շեշտադրելով հայ եկեղեցու առաքելական հիմքերը։ Բարսեղ աղա Ղազարոսյանի ջանքերով եկեղեցին վերանորոգվել է 1893 թվականին։ Ժամանակին այդ թաղամասում ապրել են հայտնի հայեր, այդ թվում՝ Գրիգոր Զոհրապը։ Տարիների ընթացքում թաղամասը հայաթափվել է։
1962 թվականին Հովհաննես և Հարություն Քյուփելյան եղբայրների բարերարությամբ եկեղեցին կրկին վերանորոգվել է։ 1985 թվականին ևս մեկ անգամ է վերանորոգվել, իսկ վերջին վերանորոգումը եղել է 2023 թվականին։
Owlapps.net - since 2012 - Les chouettes applications du hibou