![Toyosu merkatua Toyosu merkatua](https://upload.wikimedia.org/wikipedia/commons/thumb/3/33/Toyosu_Market_Tokyo_2.jpg/400px-Toyosu_Market_Tokyo_2.jpg)
Toyosu Market (japonieraz: 豊洲市場, Toyosu Shijō) handizkako merkatua da Tokion, badian berreskuratutako lurretan eraikia. Bi merkatu edo arrain-lonja daude itsaskientzat, bata handizkako salerosketa egiteko eta bestea enkanteetarako, eta beste merlatu bat fruta eta barazkientzat, bakoitza bere eraikinean. Turistek enkanteen merkatua ikus dezakete bigarren solairuko estalki batean. Badira jatetxe batzuk itsaski freskoekin eta merkatuko produktuekin eta dendekin (merkatuan eta dendetan).
Tsukijiko arrain-merkatu historikoa ordezkatu zuen Toyosuk. 2018ko urriaren 11n ireki zenean, munduko handizkako arrain merkatu handiena bihurtu zen.
400 produktutik gora saltzen dira bertan, merkeenak diren algetatik hasi eta garestiena izan daitekeen kabiarreraino. Balea ere aurki daiteke. Arrain ohikoena ordea hegalaburra da, maguro.
Tokioko merkatuak kontutan harturik, 21. mendean, 700.000 tona itsas produktu lantzen ziren urtero eta honek 600 bilioi yeneko (5 bilioi euro) mozkinak ematen ziren. 2010 urtean 60.000-65.000 langile izan ziren langintza honetan; maioristak, enkantegileak, banatzaileak eta abar.
Owlapps.net - since 2012 - Les chouettes applications du hibou