Քարաքյոյ

Քարաքոյ(թուրքերեն՝ Karaköy), թաղամաս Ստամբուլի Բեյօղլու շրջանում։ Քաղաքի առևտրական խոշոր թաղամասերից մեկն է։ Գտնվում է Ոսկեղջյուրի հյուսիսային ափին՝ Ստամբուլի եվրոպական հատվածում։ Թաղամասը գտնվում է պատմական Գալաթա թաղամասում։ Քարաքոյը Ստամբուլի ամենահին թաղամասերից մեկն է։ Ներկայումս այն խոշոր առևտրական և տրանսպորտային կենտրոն է։ Այն կապված է քաղաքի արվարձանների հետ։ Թաղամասի կենտրոնական հատվածում է գտնվում Քարաքոյի հրապարակը։ Գալաթայի կամուրջը Քարաքոյը կապում է Էմինյոնյու թաղամասի հետ, Թերսանե փողոցը կապում է Ազափքափըի հետ, իսկ Վոյվոդա փողոցը՝ Շիշհանեի հետ։ Քարաքոյին հյուսիսում սահմանակից է Բեյօղլուին։

Թաղամասի առևտրական կենտրոնում, որը հիմնվել է 19-րդ դարի կեսերին, տեղակայված են թուրքական և արտասահմանյան բանկերի կենտրոնակայաններ և մասնաճյուղեր։ Ներկայումս այն նաև խոշոր մեքենաշինական կենտրոն է։

Տեսարժան վայրեր

Կրոնական և կրթական տարբեր հաստատությունների առկայությունը թաղամասում՝ Քարաքոյը դարձնում է ուրույն միջմշակութային հաղորդակցման կամուրջ։ Այստեղ տեղակայված են Կաթոլիկ եկեղեցու, Հույն ուղղափառ եկեղեցիները, Կոստանդնուպոլսի Հայոց Պատրիարքությունը, Բուլղարական եկեղեցին, Հրեական սինագոգները, հայկական, հունական, հրեական, ֆրանսիական, իտալական և ավստրիական դպրոցները, որոնք արտացոլում են Ստամբուլի կոսմոպոլիտ աշխարհայացքը Բազմաթիվ ճարտարապետական հուշարձաններ, որոնք համարվում են Ստամբուլի այցեքարտը, կարելի է գտնել Քարաքոյում։

• Գալաթայի աշտարակ
• Կամոնդոյի աստիճաններ, որը միացնում է հրեա բանկիր Աբրահամ Կամոնդոյի տունը Վոյվոդա փողոցին։

Թանգարաններ․

• Ստամբուլի ժամանակակից արվեստների թանգարան, Թուրքիայի առաջին և միակ մասնավոր թանգարանը, որը ստեղծվել է 2004 թվականին
• Օտտոմանյան բանկ
• Թուրքիայի հրեական թանգարան

Եկեղեցիներ․

• Սբ Պողոս Պետրոս եկեղեցի,
• Սբ Գևորգ եկեղեցի
• Սան Միշել եկեղեցի
• Սբ Ֆրանցիսկոսի եկեղեցի
• Սբ Աննայի եկեղեցի
• Սանտա Մարիա եկեղեցի
• Սան Դոմենիկո եկեղեցի
• Սան Զանի եկեղեցի
• Սուրբ Սարգիս հայկական եկեղեցի, որը Ստամբուլի ամենահին եկեղեցին է
• Սբ Հիսուս Փրկիչ եկեղեցի
• Սբ Գրիգոր Լուսավորիչ եկեղեցի

Սինագոգներ․

• Նեվե Շալոմ սինագոգ
• Թոֆրե Բեգադիմ սինագոգ
• Ստամբուլի իտալական սինագոգ
• Զուլֆարիս սինագոգ
• Օր Հոդեշ սինագոգ

Մզկիթներ․

• Արապ մզկիթ
• Սոքուլլու մզկիթ կամ Ազափքափը մզկիթ
• Յերալթը մզկիթ, որը կառուցվել է 17-րդ դարում

Կրթություն

• Կեդրոնական վարժարան, հայկական վարժարան, որը հիմնադրվել է 1886 թվականին։

Ծանոթագրություններ