![Քարաքյոյ Քարաքյոյ](/modules/owlapps_apps/img/errorimg.png)
Քարաքոյ(թուրքերեն՝ Karaköy), թաղամաս Ստամբուլի Բեյօղլու շրջանում։ Քաղաքի առևտրական խոշոր թաղամասերից մեկն է։ Գտնվում է Ոսկեղջյուրի հյուսիսային ափին՝ Ստամբուլի եվրոպական հատվածում։ Թաղամասը գտնվում է պատմական Գալաթա թաղամասում։ Քարաքոյը Ստամբուլի ամենահին թաղամասերից մեկն է։ Ներկայումս այն խոշոր առևտրական և տրանսպորտային կենտրոն է։ Այն կապված է քաղաքի արվարձանների հետ։ Թաղամասի կենտրոնական հատվածում է գտնվում Քարաքոյի հրապարակը։ Գալաթայի կամուրջը Քարաքոյը կապում է Էմինյոնյու թաղամասի հետ, Թերսանե փողոցը կապում է Ազափքափըի հետ, իսկ Վոյվոդա փողոցը՝ Շիշհանեի հետ։ Քարաքոյին հյուսիսում սահմանակից է Բեյօղլուին։
Թաղամասի առևտրական կենտրոնում, որը հիմնվել է 19-րդ դարի կեսերին, տեղակայված են թուրքական և արտասահմանյան բանկերի կենտրոնակայաններ և մասնաճյուղեր։ Ներկայումս այն նաև խոշոր մեքենաշինական կենտրոն է։
Կրոնական և կրթական տարբեր հաստատությունների առկայությունը թաղամասում՝ Քարաքոյը դարձնում է ուրույն միջմշակութային հաղորդակցման կամուրջ։ Այստեղ տեղակայված են Կաթոլիկ եկեղեցու, Հույն ուղղափառ եկեղեցիները, Կոստանդնուպոլսի Հայոց Պատրիարքությունը, Բուլղարական եկեղեցին, Հրեական սինագոգները, հայկական, հունական, հրեական, ֆրանսիական, իտալական և ավստրիական դպրոցները, որոնք արտացոլում են Ստամբուլի կոսմոպոլիտ աշխարհայացքը Բազմաթիվ ճարտարապետական հուշարձաններ, որոնք համարվում են Ստամբուլի այցեքարտը, կարելի է գտնել Քարաքոյում։
Owlapps.net - since 2012 - Les chouettes applications du hibou