Ջիմի Սիմփսոն

Ջեյմս Ռեյմոնդ (Ջիմի) Սիմփսոն (անգլ.՝ James Raymond "Jimmi" Simpson,նոյեմբերի 21, 1975(1975-11-21), Hackettstown, Ուորեն շրջան, Նյու Ջերսի, ԱՄՆ), ամերիկացի դերասան և պրոդյուսեր։ Առավել հայտնի է հեռուստատեսությունում կատարած աշխատանքով։ Նկարահանվել է «Թղթե տնակ», «Փախուստի թագավորներ», «Պայծառատես», «Ֆիլադելֆիայում միշտ արևոտ է», «C.S.I.: Հանցագործության վայրը», «Իմ անունն է Էռլ», «24 ժամ» և «Վայրի արևմուտքի աշխարհը» սերիալներում, ինչպես նաև «Սպիտակ տան գրոհը», «Խելագար ժամադրություն» և «Խելահեղ մրցավազք» ֆիլմերի երկրորդական դերերում։

Վաղ կյանք

Սիմփսոնը ծնվել է Նյու Ջերսի նահանգի Հակեթստաուն քաղաքում։ Նա երեք եղբայրներից ամենակրտսերն է։

Նա ավարտել է Բլումսբերգի համալսարանը և դարձել է արվեստի բակալավր թատրոնի բնագավառում։

Կարիերա

Կինոյում Սիմփսոնի առաջնելույթը կայացել է 2000 թվականին «Անհաջողակը» պատանեկական ֆիլմում։ 2002-2005 թվականներին դերասանուհուն կարելի էր տեսնել մի շարք սերիալներում (««Կարմիր վարդ» առանձնատուն», «24», «Նյու Յորքի ոստիկանություն», «Դետեկտիվ Ռաշ», «Դիմակահանդես»)։

2005 թվականի ամռանը Ջիմիի մասնակցությամբ կայացել է «Խելահեղ մրցավազք» ընտանեկան կատակերգության պրեմիերան։ Ֆիլմում նաև խաղացել են Լինդսի Լոհանը, Ջասթին Լոնգը և Մայքլ Քիթոնը։ Մեկ տարի անց թողարկվել է «Մնալ կենդանի» սարսափ ֆիլմը, որում Սիմփսոնը կատարել է էպիզոդիկ դեր։ 2006 թվականին Տորոնտոյի կինոփառատոնում առաջին անգամ ցուցադրվել է «Հրեշտակի ջրվեժ» ֆիլմը։ Այս պատկերում Ջիմին կատարել է Մեծ Եղբոր դերը, իսկ նկարահանման հրապարակում նրա խաղընկերներն են դարձել Լիամ Նիսոնը և Փիրս Բրոսնանը։

Սիմփսոնը խաղացել է «C.S.I.: Հանցագործության վայրը» սերիալի երեք էպիզոդներում, «Իմ անունն է Էռլ» սերիալի երկու էպիզոդներում և 2009 թվականի «Հաուս» սերիալի էպիզոդում, որը ստացել է «Unfaithful» անվանումը։ Նաև դերասանին կարելի է տեսնել «Ինչպես հանդիպեցի ձեր մայրիկին» սերիալում։

Նա կատարել է «Զոդիակ» դետեկտիվի Մայք Մագոյի և «Խելագար ժամադրություն» կատակերգության Արմսթրոնգի դերերը։ 2011-2012 թվականներին Սիմփսոնը եղել է «Խելահեղ մրցավազք» սերիալի հիմնական դերասանական կազմում, իսկ 2005-2013 թվականներին պարբերաբար նկարահանվել է «Ֆիլադելֆիայում միշտ արևոտ է» սիթքոմի Լիամ Մակփոյլի դերում։ 2013 թվականին կայացել է դերասանի մասնակցությամբ «Սպիտակ տան գրոհը» ֆիլմի պրեմիերան։

Սիմփսոնը խաղացել է «Լուրեր» սերիալի Ջեք Սփենիեի և «Թղթե տնակ» սերիալի Գևինա Օրսեայի դերը։ 2017 թվականին նրան կարելի էր տեսնել «Սև հայելի» սերիալի 4-րդ եթերաժրջանի առաջին սերիայում (դերը դերասանին բերել է «BAFTA» մրցանակի անվանակարգ)։

2016 թվականի աշնանը HBO-ով մեկնարկվել է «Վայրի արևմուտքի աշխարհը» գիտաֆանտաստիկ սերիալը, որը երկարացվել է 4 եթերաշրջանով։ Սերիալում Սիմփսոնը կատարել է գլխավոր դերերից մեկը և իր աշխատանքի համար առաջադրվել է «Էմմի» մրցանակի։ Հենց նրա կերպարի՝ Ուիլյամի գործողությունները դարձել են խթան մյուս եթերաշրջանների հետագա զարգացման համար։

2020 թվականի վերջին էկրան է դուրս եկել «Խելահեղ» թրիլլերը։ Սիմփսոնից բացի ֆիլմում նկարահանվել են նաև Ռասսել Քրոուն, Կարեն Պիստորիուսը և Գեբրիել Բեյթմանը։

Անձնական կյանք

Առաջին կնոջ՝ Մելանի Լինքսի հետ Սիմփսոնը ծանոթացել է 2001 թվականին՝ ««Կարմիր վարդ» առանձնատուն» մինի սերիալի նկարահանումների ժամանակ։ Զույգը նշանադրվել է 2005 թվականին և ամուսնացել՝ 2007 թվականի ապրիլի 14-ին Նոր Զելանդիայի Քուինսթաունի մոտ գտնվող մատուռում։ 2012 թվականի սեպտեմբերի 25-ին Լինքսը տվել է ապահարզան՝ հղում կատարելով անհաշտ տարաձայնությունները։ Ապահարզանը կայացել է 2014 թվականի մայիսի 23-ին։

2019 թվականի ապրիլին դերասանն ամուսնացել է դերասանուհի Սոֆի Դել Պիցոյի հետ։

Աշխատանք թատրոնում

Սիմփսոնը խաղացել է Բրոդվեյի «The Farnsworth Invention» պիեսում։ Նրա Ֆիլո Թեյլոր Ֆարնսվորթի դերի կատարումը բարձր է գնահատել Chicago Tribune-ը, ինչպես նաև այս դերի համար ստացել է «Theatre World Award»։

Ֆիլմագրություն

Կինո

Հեռուստատեսություն

Ծանոթագրություններ

1. Ստի հայտնագործումը
2. Վայրի արևմուտքի աշխարհը (հեռուստասերիալ)
3. Հութերս
4. Ain’t No Mountain High Enough
5. Ջիմ Մորիսոն
6. Սթինգ
7. Ինչպես պատահի
8. Ֆուտբոլի Միացյալ Թագավորության տնային առաջնություն
9. Մարտին Մալ
10. Ջեսիկա Բիլ
11. I Put a Spell on You
12. Պրայմ թայմ «Էմմի» մրցանակ
13. Սա խենթ, խենթ, խենթ, խենթ աշխարհ է
14. Բոբ Դոուլ
15. Վուդրո Վիլսոն
16. Զոուի Դեշանել
17. Արսենալ (ֆուտբոլային ակումբ, Լոնդոն)
18. Թոր (ֆիլմ)
19. Միստր Սմիթը մեկնում է Վաշինգտոն
20. Դոկտոր Սթրենջ (ֆիլմ)