![Մեզնից մեկը Մեզնից մեկը](/modules/owlapps_apps/img/nopic.jpg)
«Մեզնից մեկը» (ռուս.՝ «Один из нас»), խորհրդային սև-սպիտակ գեղարվեստական ֆիլմ, որը նկարահանել է ռեժիսոր Գենադի Պոլոկան 1970 թվականին«Մոսֆիլմ» կինոստուդիայում։
ԽՍՀՄ ՆԳԺԿ ստացած տվյալների համաձայն՝ գերմանական դիվերսիոն խումբը ծրագրում է Մոսկվայում պայթեցնել գործարան, որտեղ պետք է սկսվի ռեակտիվ ականանետերի («Կատյուշա») արտադրությունը։
Գերմանական դեսպանատանը դիվանագիտական քողի տակ աշխատող թշնամական գործակալների, այդ թվում նաև հետախույզների պլանները պարզելու և դրանց իրագործմանը խոչընդոտելու համար ՆԳԺԿ-ն գերմանացիներին աջակցող Նիկոլայ Պետրովի անվան տակ գործարան է ուղարկում նրան շատ նման Սերգեյ Բիրյուկովին, որը հատուկ ծառայություններից անտեղյալ պահեստազորի հրամանատար է, «բոլորի» նման մի մարդ («մեզանից մեկը»)։ Չեկիստները կարծում են, որ նա կկարողանա արժանանալ թշնամու վստահությանը։
Բիրյուկովը շփման մեջ է մտնում Գերմանիայի դեսպանատանը աշխատող հետախուզության սպա Օտտո Բրայերի, ապա Բեռլինից օպերացիան ղեկավարելու համար ժամանած հետախույզ Քելլերի հետ և պարզում է, որ գործարանի պայթյունը նշանակված է 1941 թվականի հունիսի 21-ին, այսինքն՝ Խորհրդային Միության վրա հիտլերյան Գերմանիայի հարձակման նախօրեին։
Սերգեյ Բիրյուկովի նախաձեռնողականության և խիզախության շնորհիվ պայթյունը կանխվում է։
Ֆիլմի համար Վլադիմիր Վիսոցկին գրել է երեք երգ, որոնցից երկուսը ներռվել են ֆիլմում Խաղագորտյանի երաժշտությամբ։
Ֆիլմի դրվագներից մեկի հիման վրա Пикник խմբի կողմից «В руках великана» ալբոմում թողարկվել է «Фильм окончен» («Ֆիլմն ավարտված է») երգը։
Ռեժիսորի խոսքով՝ Բիրյուկովի դերը գրվել է Վլադիմիր Վիսոցկու համար, սակայն նրան չի հաստատել գեղարվեստական խորհուրդը։ Իմանալով գեղխորհրդի որոշման մասին՝ Վիսոցկին ինքն է Պոլոկայի մոտ տարել Գեորգի Յումատովին։
Գերմանական լրտես Տանյայի դերում սկսել է նկարահանվել Լարիսա Լուժինան, սակայն նա հիվանդանոց է տեղափոխվել կաթվածով։ Նկարահանված տեսարանները վերանկարահանվել են Թամարա Սյոմինայի մասնակցությամբ։
Պատմաբաններ Սերգեյ Դևյատովը, Յուրի Բորիսյոնոկը, Վ. Ժիլյաևը և Օ. Կայկովան նշել են, որ ֆիլմում պատմական հավաստիություն չկա։ Պատմաբանները նշել են, որ հիտլերյան գործակալները Մոսկվայում պատերազմի նախօրեին եղել են, բայց շատ ավելի քիչ քանակով և ոչ նման նպատակներով։
Owlapps.net - since 2012 - Les chouettes applications du hibou