![Այրին Քարա Այրին Քարա](/modules/owlapps_apps/img/nopic.jpg)
Այրին (Իրեն) Քարա (անգլ.՝ Irene Cara, մարտի 18, 1959(1959-03-18), Բրոնքս շրջան, Նյու Յորք, ԱՄՆ և Նյու Յորք, Նյու Յորք, ԱՄՆ - նոյեմբերի 25, 2022(2022-11-25), Largo, Ֆլորիդա, ԱՄՆ), 1980-ական թվականների ամերիկացի դերասանուհի և երգչուհի։ «Օսկար», «Ոսկե գլոբուս» և «Գրեմմի» մրցանակների դափնեկիր։
Ծնվել է 1959 թվականի մարտի 18-ին Բրոնքսում (Նյու-Յորք, ԱՄՆ), ամբողջական անունը՝ Irene Cara Escalera։ Նրա հայրը՝ Գասպար Քարան Պուերտոռիկացի էր, իսկ մայրը՝ Լուիզան, ուներ կուբայական արմատներ։ Այրինն ուներ երկու եղբայր և երկու քույր։ Երեք տարեկանում նա "Little Miss America" - ի եզրափակիչ փուլի հինգ մասնակիցների թվում էր, իսկ արդեն 5 տարեկանում մեկ մատով դաշնամուր էր նվագում։ Հետո սկսել է լրջորեն ուսումնասիրել երաժշտություն, պար և դերասանական արվեստ, 1970-ականներին մասնակցել է Բրոդվեյի բեմադրություններին, հեռուստասերիալներին և շոուներին։
1986-1991 թվականներին ամուսնացած է եղել հոլիվուդյան կասկադյոր Կոնրադ Պալմիզանոյի հետ։
1981 թվականին «Փառք» ֆիլմում իր մասնակցության համար առաջադրվել է «Ոսկե գլոբուս» «Լավագույն դերասանուհի երաժշտական ֆիլմում» անվանակարգում։ 1982 թվականին արժանացել է գունավոր մարդկանց առաջընթացի ազգային ասոցիացիայի (NAACP) "Image" մրցանակին "Քույր, քույր" հեռուստաֆիլմում Սիսսի Լավջոյի դերը խաղալու համար։ Նրա կարիերայի գագաթնակետը եղավ 1983 թվականին, երբ ձայնագրեց տիտղոսային երգը «ֆլեշ-պար» ֆիլմի համար (անգլ.՝ Flashdance)՝ "Flashdance… What a Feeling", որը նա գրել է Ջորջո Մորոդերի և Քիթ Ֆորսիի հետ համատեղ։ Քարան բառերը գրել է այն պահին, երբ Ֆորսիի հետ մեքենայով գնում էր Նյու Յորքի ստուդիա, իսկ Մորոդերը երաժշտություն էր ստեղծում։ 1983-1984 թվականներին արժանացել է մի քանի հեղինակավոր երաժշտական մրցանակների․
Քարան մահացել է իր տան մեջ 2022 թվականի նոյեմբերի 25-ին Ֆլորիդայում, 63 տարեկան հասակում։
Owlapps.net - since 2012 - Les chouettes applications du hibou