![Փոլ Փիրս Փոլ Փիրս](https://upload.wikimedia.org/wikipedia/commons/thumb/9/98/Paul_Pierce_Nets.jpg/400px-Paul_Pierce_Nets.jpg)
Փոլ Էնթոնի Փիրս (անգլ.՝ Paul Anthony Pierce, հոկտեմբերի 13, 1977(1977-10-13), Օքլենդ, Կալիֆոռնիա, ԱՄՆ), ամերիկացի նախկին բասկետբոլիստ, թեթև հարձակվող։ Առավելապես հայտնի է Բասկետբոլի ազգային ասոցիացիայի (NBA) «Բոստոն Սելտիքս» ակումբում հանդես գալու տարիներից (1998-2013)։
Ավագ դպրոցում արժանանացել է McDonald's All-American, իսկ Կանզասի համալսարանում՝ All-America առաջին թիմ տիտղոսներին։ 1998 թվականի դրաֆթում «Սելտիքս»-ի կողմից ընտրվելուց ի վեր՝ Փիրսը միշտ եղել է ակումբի մեկնարկային հնգյակում։ 10 անգամ ճանաչվել է աստղ (NBA All-Star), 4 անգամ արժանացել All-NBA տիտղոսի, 2008 թվականին հաղթել NBA-ի գավաթը՝ աստղային բասկետբոլիստներ Քևին Գարնետի և Ռեյ Ալլենի թիմակցությամբ, ընդ որում փիրսն արժանացել է գերեզրափակչի ամենաարժեքավոր խաղացողի (MVP) մրցանակին։ 2010 թվականի փլեյ-օֆֆների ժամանակ իր թիմն հասցրել է ընդհուպ մինչև գերեզրափակիչ՝ պարտվելով Կոբի Բրայանտի գլխավորած «Լոս Անջելես Լեյքերսին»։
Owlapps.net - since 2012 - Les chouettes applications du hibou