![Աղավնատուն (գյուղ, Քաշաթաղի շրջան) Աղավնատուն (գյուղ, Քաշաթաղի շրջան)](/modules/owlapps_apps/img/nopic.jpg)
Աղավնատուն, գյուղ Արցախի Հանրապետության Քաշաթաղի շրջանում։ Տեղաբաշխված է հանրապետության հարավ-արևմտյան հատվածում։ Բերձոր շրջկենտրոնից գտնվում է 36 կմ հեռավորության վրա, իսկ մայրաքաղաք Ստեփանակերտից՝ 86 կմ հեռավորության վրա։ Մտնում է Աղավնատուն համայնքի մեջ։
Համայնքը բարձր լեռնային է, ունի 5821.6 հա տարածք, որից 991.7 հա գյուղատնտեսական նշանակություն, 4489.7 հա անտառային հողեր։ Համայնքի սահմանային գոտով հոսում է Հագարի գետը։
2020 թվականի Արցախյան երկրորդ պատերազմի հետևանքով գյուղը հայաթափվել և անցել է Ադրբեջանի հսկողության տակ։
2015 թվականին Աղավնատուն համայնքի բնակչության թվաքանակը կազմում է 47 մարդ, կա 11 տնտեսություն։
Բնակավայրի ազգաբնակչության փոփոխությունը.
Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։
Համայնքի պատմամշակութային հուշարձաններն են՝ խաչքար (15-16-րդ դարեր), Հագար գյուղում եկեղեցի «Ս. Ստեփանոս» (15-16-րդ դարեր), 3 խաչքարեր (14-15-րդ դարեր)։
2015 թվականի դրությամբ համայնքում գործում էր գյուղապետարան, կա բուժաշխատող, գործում է հիմնական դպրոց, որտեղ սովորում էին 24 աշակերտներ։
Owlapps.net - since 2012 - Les chouettes applications du hibou