![Ֆրենչ Մոնտանա Ֆրենչ Մոնտանա](/modules/owlapps_apps/img/nopic.jpg)
Կարիմ Խարբոուչ (անգլ.՝ Karim Kharbouch, ծնվ. նոյեմբերի 9, 1984, Ռաբաթ, Մարոկկո), ավելի հայտնի է որպես Ֆրենչ Մոնտանա (անգլ.՝ French Montana), ամերիկացի ռեփեր ծնունդով Մարոկկոյից։ Հանդիսանում է Cocaine City Records ձայնագրման ստուդիայի հիմնադիրը։ Նա հայտնի է իր երաժշտական համագործակցություններով այլ արտիստների հետ։ Իր երաժշտական կարիերայի ընթացքում թողարկել է բազմաթիվ միքսթեյպներ, սակայն իր դեբյուտային ստուդիական ալբոմը որը կոչվում է «Excuse My French», թողարկվել է 2013 թվականի մայիսին։
Տարբեր հարցազրույցներում Ֆրենչ Մոնտանան նշել է, որ ամերիկացի ռեփերներ Թուփաք Շակուրը, Նեսը, The Notorious B.I.G.-ը, Սնուփ Դոգը, Ռիք Ռոսը և Wu-Tang Clan խումբը իրեն ոգեշնչող և իր կարիերայի վրա ամենամեծ ազդեցություն թողած արտիստներն են։ Նա նաև նշել է, որ անգլիացի R&B երգչուհիներ Էմի Ուայնհաուսի և Ադելի երգերի երկրպագու է։
Owlapps.net - since 2012 - Les chouettes applications du hibou