![Ուոլ Սթրիթի գայլը (ֆիլմ, 2013) Ուոլ Սթրիթի գայլը (ֆիլմ, 2013)](/modules/owlapps_apps/img/errorimg.png)
«Ուոլ սթրիթի գայլը» (անգլ.՝ The Wolf of Wall Street), ռեժիսոր Մարտին Սկորսեզեի 2013 թվականին նկարահանած ամերկյան սև կատակերգություն։ Հիմնված է ամերիկացի արժեթղթերի շուկայի նախկին բրոքեր Ջորդան Բելֆորտի համանուն հուշերի գրքի վրա։ Գլխավոր դերում հանդես է գալիս Լեոնարդո ԴիԿապրիոն, ով ֆիլմում մարմնավորում է հենց Բելֆորտին։ Ֆիլմում նկարահանվել են նաև Ջոնա Հիլը, Մարգո Ռոբին, Մեթյու Մակքոնահին, Ջոն Ֆավրոն, Կայլ Չենդլերը, Ջոն Բերնթալը, և Ժան Դյուժարդենը։ Ֆիլմը ԴիԿապրիոյի և Սկորսեզեի թվով չորրորդ համագործակցությունն է (ինչպես նաև Սկորսեզեի և սցենարիստ Թերենս Ուինթեր երկրորդ համագործակցությունը՝ «Ընդհատակյա կայսրություն» քրեական բազմասերիանոց ֆիլմից հետո)։
Ֆիլմի բյուջեն կազմել է 100 միլիոն ԱՄՆ դոլար, իսկ համաշխարհային կինովարձույթից ստացված եկամուտը՝ ավելի քան 392 միլիոն դոլար։
Ֆիլմն առաջադրվել է հինգ «Օսկար» մրցանակի` «լավագույն կինոնկար», «լավագույն ռեժիսոր», «լավագույն ադապտացված սցենար» «լավագույն դերասան» և «լավագույն երկրորդ պլանի դերասան» անվանակարգերում։
Owlapps.net - since 2012 - Les chouettes applications du hibou