Մոխրագույնի հիսուն երանգները (ֆիլմ)

Անվան այլ կիրառումների համար տե՛ս՝ Մոխրագույնի հիսուն երանգները (այլ կիրառումներ)

«Մոխրագույնի հիսուն երանգները» (անգլերեն՝ Fifty Shades of Grey), ամերիկյան ֆիլմ, որի շնորհանդեսը կայացել է 2015 թվականի փետրվարի 13-ին։ Կինոնկարի գլխավոր դերերում հանդես են գալիս՝ Ջեյմի Դորնանը և Դակոտա Ջոնսոնը։ Ֆիլմը նկարահանվել է համանուն վեպի հիման վրա։

Սյուժե

Անասթեյշա Սթիլը համեստ կույս աղջիկ է, որը գրականություն է սովորում և ապրում իր լավագույն ընկերուհու՝ Քեթրին «Քեյթ» Քավանայի հետ։ Մնացել էր ընդամենը մեկ շաբաթ, որ նա ավարտեր համալսարանը, սակայն իր ընկերուհու հիվանդ լինելը ճակատագրական է լինում Անասթեյշայի համար։ Քեյթը նրան խնդրում է, որ իր փոխարեն հարցազրույց վերցնի գեղեցիկ և մեծահարուստ Քրիսթիան Գրեյից։ Հարցազրույցն այդքան էլ լավ չի անցնում և Անասթեյշան խիստ կասկածում է, որ նրանք կրկին կհանդիպեն։ Բայց պատահմամբ Գրեյը հանդիպում է աղջկան խանութում, որտեղ Անասթեյշան աշխատում է որպես վաճառող։ Եվ այդպես նրանց հանդիպումներն ավելի հաճախակի են դառնում, և Գրեյը Անասթեյշային առաջարկում է իր հետ պայմանագիր կնքել, ըստ որի, նա կկարողանա անել աղջկա հետ այն ամենը, ինչ ցանկանում է։ Եվ աղջիկը աստիճանաբար իմանում է մեծահարուստի գաղտնի սեռական հետաքրքրությունների մասին։

Դերերում

• Դակոտա Ջոնսոն - Անասթեյշա «Անա» Սթիլ
• Ջեյմի Դորնան - Քրիսթիան Գրեյ
• Էլոիզա Մամֆորդ - Քեթրին «Քեյթ» Քավանա
• Լյուկ Գրայմս - Էլլիոթ Գրեյ
• Ռիտա Օրա - Միա Գրեյ
• Վիկտոր Ռսսուկ - Ջոս Ռոդրիգես
• Մաքս Մարտինի - Ջեյսոն Թեյլոր
• Դիլան Նիալ - Բոբ Ադամս
• Քալում Քեյթ Ռեննի - Ռեյմոնդ "Ռեյ" Սթիլ
• Ջենիֆեր Էլե - Կարլա Վիլքս
• Մարշա Գեյ Հարդեն - Գրեյս Թրեվելյան-Գրեյ
• Էնդրյու Էիրլայ - Քարրիք Գրեյ
• Էնթոնի Քոնեչնի - Փոլ Քլեյթոն
• Էմիլի Ֆոնդա - Մարտինա

Սաունդթրեք

Ֆիլմի սաունդթրեքի ալբոմը թողարկվել է 2015 թվականի փետրվարի 10-ին։ Այն ներառում է 16 երգ, որից 2-ը թողարկվել են որպես ալբոմի սինգլներ։

Երգացանկ

1. «I Put a Spell on You» - Էնի Լենոքս
2. «Undiscovered» - Լորա Ուելշ
3. «Earned It» - The Weeknd
4. «Meet Me in the Middle» - Ջեսսի Ուեր
5. «Love Me Like You Do» - Էլլի Գոլդինգ
6. «Haunted» (Michael Diamond Remix) - Բիյոնսե
7. «Salted Wound» - Սիա
8. «Beast of Burden» - The Rolling Stones
9. «I'm on Fire» - Awolnation
10. «Crazy in Love» (2014 Remix) - Բիյոնսե
11. «Witchcraft» - Ֆրանկ Սինատրա
12. «One Last Night» - Vaults
13. «Where You Belong» - The Weeknd
14. «I Know You» - Գրեյ Սքայլար
15. «Ana and Christian» - Դենի Էլֆման
16. «Did That Hurt?» - Դենի Էլֆման

Ծանոթագրություններ

Արտաքին հղումներ

• Պաշտոնական կայք Արխիվացված 2015-02-19 Wayback Machine