![Ջոն Լե Կարրե Ջոն Լե Կարրե](/modules/owlapps_apps/img/errorimg.png)
Ջոն լե Կարրե (անգլ.՝ John le Carré, իսկական անունը անգլ.՝ David John Moore Cornwell, հոկտեմբերի 19, 1931(1931-10-19)[…], Պուլ, Դորսետ, Անգլիա, Միացյալ Թագավորություն - դեկտեմբերի 12, 2020(2020-12-12), Տրուրո, Քորնուոլ, Քորնվոլ, Հարավարևմտյան Անգլիա, Անգլիա, Միացյալ Թագավորություն), բրիտանացի գրող, հայտնի է իր լրտեսական վեպերով։
Ջոն լե Կարրեն ծնվել է 1931 թ. հոկտեմբերի 19-ին Մեծ Բրիտանիայի Դորսեթ կոմսության Պուլ քաղաքում։ 1948 թ. նա մեկնում է Շվեյցարիա, որտեղ ուսանում է Բեռնի համալսարանում, ապա զինվորական ծառայության անցնում Ավստրիայում գտնվող բրիտանական հետախուզական կորպուսում։ Զինվորական ծառայությունից հետո ուսանում է Օքսֆորդի համալսարանում, որն ավարտում է 1956 թվականին և անցնում աշխատանքի էտոն քոլեջում։ Նա այնտեղ դասավանդում է ֆրանսերեն և գերմաներեն լեզուներ։ 1958 թ. հիմնական աշխատանքի է անցնում բրիտանական ՄԻ–5 հակահետախուզական ծառայությունում, որի հետ նա սկսել էր համագործակցել դեռևս համալսարանական տարիներից։ 1959 թ. աշխատանքի է անցնում բրիտանական ՄԻ-6 հետախուզական ծառայությունում։ Նա դիվանագիտական ծառայողի անվան տակ լրտեսական գործունեություն է ծավալում Գերմանիայի Դաշնային Հանրապետությունում։ Թոշակի անցնելուց հետո, որոշ ժամանակ բնակություն է հաստատում Հունաստանում, ապա վերադառնում Անգլիա։
Owlapps.net - since 2012 - Les chouettes applications du hibou