![ԿՈՆԿԱԿԱՖ-ի առաջնություն 1965 ԿՈՆԿԱԿԱՖ-ի առաջնություն 1965](/modules/owlapps_apps/img/nopic.jpg)
1965 թ. ԿՈՆԿԱԿԱՖ-ի կողմից կազմակերպեց և երկրորդ անգամ խաղարկվեց ֆուտբոլի Հյուսիսային ու Կենտրոնական Ամերիկայի և Կարիբյան ավազանի մայրցամաքային առաջնությունը՝ ԿՈՆԿԱԿԱՖ-ի ազգերի առաջնությունը (NORCECA)։ Ֆուտբոլային մրցաշարի այս խաղարկությունն անցկացվեց Գվատեմալայի համանուն մայրաքաղաքում 1965 թ. մարտի 28-ից մինչև ապրիլի 11-ը։ Եզրափակիչ մրցաշարին մասնակցեցին վեց հավաքականներ, որոնք մեկ շրջանով մրցությամբ որոշեցին առաջնության չեմպիոնին և մրցանակակիրներին։
ԿՈՆԿԱԿԱՖ-ի առաջնության այս խաղարկության ֆավորիտներ էին համարվում գործող չեմպիոն Կոստա Ռիկայի և Մեքսիկայի հավաքականները։ Սակայն մրցաշարի ընթացքը ցույց տվեց, որ չեմպիոնության համար լուրջ պայքար մղեց նաև կազմակերպիչ երկրի՝ Գվատեմալայի ազգային թիմը։ Մինչև վերջին՝ յոթերորդ տուրը չեմպիոնական մրցավազքը շարունակում էին Մեքսիկան ու Գվատեմալան՝ յուրաքանչյուրը տանելով երեքական հաղթանակ և խաղալով մեկական ոչ ոքի, ընդ որում ոչ ոքիներ գրանցվեցին Կոստա Ռիկայի հետ հանդիպումներում՝ համապատասխանաբար 1։1 և 0։0 հաշվով։ Վճռորոշ խաղում 2։1 հաշվով հաղթանակ տարան մեքսիկացիները և նվաճեցին իրենց առաջին չեմպիոնական տիտղոսը։ Կոստա Ռիկան չեմպիոնական մրցավազքից դուրս մնաց վեցերորդ տուրում, քանի որ սայթաքեց Սալվադորի հետ խաղում՝ պարտվելով նրան 1։2 հաշվով, սակայն այսուհանդերձ պահպանեց տեղը մրցանակային եռյակում՝ սալվադորցիներին թողնելով չորրորդ հորիզոնականում։ Մրցաշարային աղյուսակը եզրափակեցին Նիդերլանդական Անտիլները և մրցաշարի նորեկ Հայիթին։
Հանդիպումների արդյունքները
Մրցաշարի լավագույն ռմբարկուի մրցանակը ստացավ Էռնեստո Սիսներոսը։ Մրցաշարի «լավագույն դարպասապահ» մրցանակը ստացավ Էմիլիո Սագոտը։
Owlapps.net - since 2012 - Les chouettes applications du hibou