![بھالیندر سنگھ بھالیندر سنگھ](/modules/owlapps_apps/img/nopic.jpg)
راجا بھالیندر سنگھ (پیدائش: 9 اکتوبر 1919ء (وفات: 16 اپریل 1992ء) بھارت کے ایک عالمی سطح کے کرکٹ کھلاڑی اور پٹیالہ کے مہاراج کمار تھے۔ ان کے والد مہاراجا بھوپندر سنگھ اور بھائی پٹیالہ کے یوراج تھے جو بھارت کے لیے ٹسٹ کرکٹ کھیل چکے ہیں۔ بھالیندر سنگھ دائیں ہاتھ کے درمیانی صف والے بلے باز تھے اور دائیں ہاتھ کے دھیمے گیندباز تھے۔ انھوں انگلینڈ میں صرف ایک مقابلہ کھیلا، جو 1939ء میں کیمبرج یونیورسٹی کی طرف سے نارتھمپٹنشائر کے خلاف تھا۔ ان کے باقی مقابلے بھارت میں جنوبی پنجاب اور پٹیالہ کے لیے تھے۔ ان کی طرف سے ایک سنچری شمالی ہند کے خلاف جنوبی پنجاب کے لیے 1943ء-44ء میں تھی۔
وہ پیشہ ورانہ کھیل سے سبکدوش ہونے کے بعد بھی کھیل سے جڑے رہے اور انڈین اولمپک ایسوسی ایشن کے صدر اور بین الاقوامی اولمپک کمیٹی کے رکن بنے رہے۔ وہ 1951ء کے ایشیائی کھیلوں کے انتظامات میں پیش پیش رہے۔ ان کا بیٹا راجا رندھیر سنگھ بھارتی اولمپک ایسوسی ایشن کے معتمد عمومی ہیں۔
Owlapps.net - since 2012 - Les chouettes applications du hibou