![Ապագայի Բեթմենը։ Ջոկերի վերադարձը Ապագայի Բեթմենը։ Ջոկերի վերադարձը](/modules/owlapps_apps/img/errorimg.png)
Ապագայի Բեթմենը։ Ջոկերի վերադարձը (անգլ.՝ Batman Beyond: Return of the Joker, Ավստրալիայում և Եվրոպայում նաև հայտնի է որպես Batman of the Future: Return of the Joker), ամերիկյան անիմացիոն ֆիլմ, որը թողարկվել է 2000 թվականին, «Direct-to-video» տարբերակով։ Հիմնված է սուպերհերոս Բեթմենի և նրա թշնամի Ջոկերի մասին պատմող կոմիքսների վրա։ Այն թողարկվել է «Ապագայի Բեթմենը» մուլտսերիալի «Kings' Ransom» էպիզոդից հետո։
Մինչ թողարկվելը ֆիլմը շատ է փոփոխվել՝ բռնի տեսարանները և երկխոսությունները փոխվել են։ Հետագայում չփոփոխված տարբերակը թողարկվել է DVD տարբերակով PG-13 վարկանիշով։ Ռուսաստանում ֆիլմը թարգմանվել է «Мост-Видео» կինոընկերության և ТВ-3 հեռուստաալիքի կողմից։
Հանկարծակի Գոթեմ սիթի է վերադառնում վտանգավոր հանցագործ Ջոկերը, որին մահացած էին համարում։ Նրան դիմադրում է նոր բեթմենը՝ Թերի ՄակԳիննիսը։ Նա փորձում է կանգնեցնել գողությունները, որոնք իրականացնում էր Ջոկերի խումբը, բայց դա նրան չի հաջողվում։ Ծեր Բրյուս Ուեյնը վերադարձել էր իր ընկերությունը ղեկավարելու, Ջոկերը գալիս է այդ ընկերություն և Ուեյնի ելույթի ժամանակ ներս մտնում, այդպիսով հայտնելով իր ողջ լինելու մասին։ Այդ ընթացքում Ջոկերի խումբը լաբորատորիայից գողանում է սարքերը։ Թերին փորձում է պարզել, թե ինչու է Ջոկերը այդպես ատում Բրյուսին և այնպես է ստացվում, որ Բեթմեն Ուեյնը իր թշնամիներից ամենաքիչը գիտի խելագար ծաղրածուի մասին։ Բացատրությունների փոխարեն Բրյուսը Թերիից պահանջում է հետ վերադարձնել չղջիկի հագուստը, նրանք վիճաում են և ՄակԳիննիսը հեռանում է։ Դրանից հետո Ջոկերը հարձակվում է Բեթմենի քարանձավի վրա, իսկ նրա խումբը փորձում է առեվանգել Թերիի ընկերուհուն՝ Դանային։ Ուեյնին և նրա շանը թունավորում են ծիծաղի դեղով։ ՄակԳիննիսը կռվելով Ջոկերի հետ, պետք է պարզեր թե ինչ է տեղի ունեցել 30 տարի առաջ և թե Ջոկերի գաղտնիքի հետ ինչ կապ ունեն Բրյուսը, Բարբարա Գորդոնը և Թիմ Դրեյքը։
Owlapps.net - since 2012 - Les chouettes applications du hibou