Բարոկկո (ֆր.՝ Barocco)՝ ֆրանսիական կինոֆիլմ, որի ռեժիսորը Անդրե Տեշինեն է։ «Սեզարի» եռակի մրցանակակիր (լավագույն օպերատոր, կոմպոզիտոր, երկրորդ պլանի դերասան), ներկայացված է եղել ևս 6 անվանակարգերում։ Վարձույթի է դուրս բերվել 1976 թվականի դեկտեմբերի 8-ին։
Ֆիլմի գործողությունները կատարվում են Ամստերդամում։ Նախընտրական քարոզարշավի ընթացքում միջակ բռնցքամարտիկ Սամսոնին առաջարկվում է վարկաբեկել թեկնածուներից մեկին՝ պատմելով, թե ինչպես է նա երեխա ժամանակ բռնությունների ենթարկվել։ Այդ նույն ժամանակ մյուս թեկնածուն Սամսոնին մեծ փողեր է առաջարկում վերջինիս լռության դիմաց։ Սամսոնը որոշում է խաբել երկուսին՝ պարզապես իր սիրելիի՝ Լաուրայի հետ փախչելով արտասահման։ Նրանք պայմանավորվում են հանդիպել կայարանում, բայց Սամսոնին առևանգում և սպանում են։ Սամսոնին սպանողը, ով զարմանալիորեն նման էր Սամսոնին, սկսում է հետապնդել Լաուրային, բայց արդյունքում նրանք սիրահարվում են և միասին փախչում հալածանքներից հեռու։
Owlapps.net - since 2012 - Les chouettes applications du hibou