Rafael Aguilar Guajardo (Reynosa, Mexiko, 1950 – Cancún, Quintana Roo, 1993ko apirilaren 12a) Mexikoko droga trafikatzaile ezaguna. Ciudad Juarezko kartelaren sortzaile bat izan zen.
Enpresari eta funtzionario ohia, Mexikoko Dirección Federal de Seguridad (Segurtasuneko Zuzendaritza Federala) erakundearen partaidea izan zen. Propietate handiak zituen Mexikon: etxaldeak, hotelak, nekazaritzarekin lotutako industriak... Bere negozioen artean, antza, Parisko Lido zegoen. Ciudad Juarezko kartelaren burua izan zen baina 1993an, bere familiarekin zegoenean, Cancúneko jatetxe baten aurrean tirokatu zuten. Berarekin batera turista bat hil zuten. Hiltzaileak hiru gizon izan ziren, tartean Erik Linares; atxilotuak, urte bete espetxean egin ondoren, kaleratu zituzten. Haren heriotzaren ondoren Juarezko kartela Sinaloako kartelak ordezkatu zuen agintean.
Owlapps.net - since 2012 - Les chouettes applications du hibou