Սուրբ Աստվածածին եկեղեցի (Սագարեջո)

Սուրբ Աստվածածին եկեղեցի, հայկական առաքելական ավերված եկեղեցի Վրաստանի Կախեթի մարզի Սագարեջոյի շրջանի Սագարեջո քաղաքում։

Պատմություն

Եկեղեցու մասին քիչ տեղեկատվություն է հայտնի։ Կառուցման թվականը անհայտ է։ 1818 թվականի վավերագրերից մեկում գրված է, որ այն կառուցվել է իշխան Ավետիք Բեհբուդյանի ֆինանսավորմամբ։

19-րդ դարում Բեհբուդյան տոհմի ներկայացուցիչները հին եկեղեցու տեղում կամ որպես շարունակություն կառուցել են նոր եկեղեցի։ Եկեղեցու մասին առկա են բազմաթիվ վկայություններ 19-րդ դարի վավերագրերում։

1914 թվականին եկեղեցուն կից բացվել է հայկական դպրոց։

Սուրբ Աստվածածին եկեղեցին գործել է մինչև 1923 թվականը, որից հետո փակվել է։ Փակվելուց կարճ ժամանակ անց ամբողջությամբ քանդվել է և տեղում հիվանդանոց կառուցվել։

Եկեղեցում պահվել են բազմաթիվ արժեքավոր եկեղեցական իրեր՝ հին ձեռագրեր, գրքեր, խորհրդատետր, սրբապատկեր, արծաթե սկիհ, աշտանակ, շուրջառ և այլն։

Տես նաև

• Սագարեջոյի Սուրբ Աստվածածին եկեղեցու դպրոց

Ծանոթագրություններ