Ֆեոդորայի Աստվածամոր եկեղեցի (Յանտարնի)

Աստվածամոր Ֆեոդորովյան սրբապատկերի եկեղեցի, Ֆեոդորովյան տաճար (ռուս.՝ Церковь Феодоровской иконы Божией Матери, Феодоровский храм), ուղղափառ եկեղեցի Ռուսաստանի Ռոստովի մարզի Յանտարնի ավանում։ Ենթարկվում է Ռոստովի և Նովոչերկասկի թեմի Ակսայի գործակալությանը։

Հասցեն` 346715, Ռոստովի մարզ, Ակսայի շրջան, Յանտարնի ավան, Գվոզդիկովայա փողոց, 1։

Պատմություն

Երբ 2012 թվականի օգոստոսի 16-ին Ռոստովի և Նովոչերկասկի մետրոպոլիտ Մերկուրին աշխատանքային այցով այցելել էր Ակսայի գործակալություն, հանդիպման արդյունքում որոշվել էր Յանտարնի ավանում ստեղծել ուղղափառ ծուխ և բնակավայրում կառուցել առաջին տաճարը` ի պատիվ Աստվածամոր Ֆեոդորովյան սրբապատկերի։ 2013 թվականի փետրվարին ծուխը գրանցվել է։ Նոր ծխի տարածքը ներառում է երեք բնակավայր` Յանտարնի և Վոդոպադնի ավանները, ինչպես նաև Կամիշևախա խուտորը։

2014 թվականի հունվարի 7-ին ապագա տաճարի կառուցման տեղում բացվել է ժամանակավոր փայտե տաճար, որտեղ նույն թվականի փետրվարի 6-ին տրվել է ծխի պատմության մեջ առաջին Մեծ պատարագը։ Հավաքագրվում են միջոցներ նոր քարե տաճարի շինարարության համար։

2014 թվականի ապրիլին Ֆեոդորովյան ծխում սկսել են իրենց գործունեությունը մեծահասակների համար կիրակնօրյա դպրոցը և երեխաների համար կիրակնօրյա ուսումնադաստիարակչական խումբը։ 2016 թվականին սկսել է գործել երիտասարդական ծխական միավորումը։

Ֆեոդորովյան տաճարի վանահայրն է քահանա Վիկտոր Գեորգիևիչ Ալեքսանդրովը։

Ծանոթագրություններ

Արտաքին հղումներ

• Сайт церкви Արխիվացված 2017-07-15 Wayback Machine
• Аксайское благочиние - храмы Արխիվացված 2017-09-25 Wayback Machine
• Аксайское благочиние - приходы