![Աստվածամոր «Օդիգիտրիա» սրբապատկերի եկեղեցի (Ագրաֆենովկա) Աստվածամոր «Օդիգիտրիա» սրբապատկերի եկեղեցի (Ագրաֆենովկա)](/modules/owlapps_apps/img/errorimg.png)
Աստվածամոր «Օդիգիտրիա» սրբապատկերի եկեղեցի (ռուս.՝ Церковь иконы Божией Матери «Одигитрия»), ուղղափառ եկեղեցի Ռուսաստանի Դաշնության Ռոստովի մարզի Ռոդիոնովո-Նեսվետայսկի շրջանի Ագրաֆենովկա սլոբոդայում։ Ենթարկվում է Շախտիի և Միլլերովոյի թեմին։
Հասցեն` Ռոստովի մարզ, Ռոդիոնովո-Նեսվետայսկի շրջան, Ագրաֆենովկա սլոբոդա, Լուսավորության փողոց, 1ա։
Դոնի զորքի մարզի Ագրաֆենովկա սլոբոդայի քարե միասեղան եկեղեցու հիմքը դրվել է 1844 թվականի ապրիլի 16-ին։ Այն օծվել է 1846 թվականի նոյեմբերի 3-ին Վորոնեժի և Զադոնսկի արքեպիսկոպոս Իգնատիի կողմից։ Տաճարը բարեկարգվել է կալվածատեր Մարիա Ալեքսեևնա Լեոնովայի միջոցներով։ 1890 թվականից եկեղեցուն կից կազմակերպվել էր ծխական գյուղական ուսումնարան։
Խորհրդային տարիներին տաճարն օգտագործվել է որպես հացահատկի շտեմարան։ Օդիգիտրիևյան ծխի վերջին վանահայրն է եղել քահանա Նիկոլայ Նիկոլայևիչ Զիկովը, որին գնդակահարել են բոլշևիկները։ Հանցակազմի բացակայության պատճառով նա հետմահու արդարացվել է։
2012 թվականից տաճարում վերսկսվել են ժամերգությունները։ Ներկայումս այստեղ պարբերաբար տրվում է Աստվածային պատարագ։ 2012 թվականի մարտի 29-ին Ագրաֆենովկա սլոբոդայի Աստվածամոր «Օդիգիտրիա» սրբապատկերի եկեղեցու հոգևոր հովիվ է նշանակվել քահանա Անտոնի Գենադևիչ Բերեժնոյը։ Ներկայումս եկեղեցում հավատացյալների միջոցներով ընթանում են վերանորոգման-վերականգնման աշխատանքներ։ Հետաքրքրական է, որ 2013 թվականին հողային աշխատանքների ժամանակ հայտնաբերվել է զանգի հին լեզվակ, որը պատկանել է նախահեղափոխական տաճարի զանգերից մեկին։
Owlapps.net - since 2012 - Les chouettes applications du hibou