Aller au contenu principal

Aintzane Usandizaga


Aintzane Usandizaga


Aintzane Usandizaga Lopez (Lasarte-Oria, Gipuzkoa, 1988ko apirilaren 15a) gipuzkoar idazlea da.

Biografia

Artearen Historian lizentziatu zen Euskal Herriko Unibertsitatean, eta Kultura Artistikoaren Gizarte Garapenetan Graduondokoa egin zuen Málagako Unibertsitatean (UMA). Hainbat kultur proiektu eta zentrotan egin du lan. Kabitu ezina argitaratu zuen 2019an, literatur arloko bere lehen lana, eta, urte bereko Etxepare Saria eskuratu zuen, Etxe honetan (Pamiela, 2019) Asier Iturralde Gonzalez de Alaiza Gaston ilustratzailearekin batera egindako albumari esker. Berria egunkarian eta Hitzen Uberan agerkari digitalean ere kolaborazioak egindakoa da.

Lanak

Nobelagintza

  • Kabitu ezina (2019, Elkar)

Album ilustratuak

  • Etxe honetan (2019, Pamiela). Asier Iturralde Gonzalez de Alaiza Gaston ilustratzailearekin batera ondutako lana. XIII. Etxepare Saria eskuratu zuen lan honek, bai eta Ikastolen Elkartearen Juul saria ere, 2021ean.
  • Esther Ferrer eta denbora, album ilustratua ondu dute Aintzane Usandizagak eta Aran Santamariak, artistaren lana berrinterpretatuz. Emakume artistei eskainitako Bagara bildumako lehen liburua da.(2022, Pamiela).

Sariak

Etxepare eta Juul sariez gainera, Zumaiako Udalak antolatu ohi duen Julene Azpeitia ipuin-lehiaketan bi sari ditu irabaziak: 2014an, lehen saria lortu zuen (Kolokan ipuina), eta 2018an, bigarren saria (Bazterbideak ipuina).

Erreferentziak

Kanpo estekak

  • Aintzane Usandizagaren lanak, Berrian.



Text submitted to CC-BY-SA license. Source: Aintzane Usandizaga by Wikipedia (Historical)



ghbass