Գորիսեցի կին (Գորիսեցի Օվսաննա մայրիկը, նկար)

«Գորիսեցի կին (Գորիսեցի Օվսաննա մայրիկը)», ՀԽՍՀ վաստակավոր նկարիչ Արփենիկ Նալբանդյանի 1962 թվականին ստեղծած կտավը, որը գտնվում է Հայաստանի ազգային պատկերասրահում։

Պատմություն

Արփենիկ Նալբանդյանի արվեստը բազմաժանր է, սակայն առանձնահատուկ է նկարչուհու վերաբերմունքը հատկապես կոմպոզիցիոն ֆիգուրատիվ ժանրին։ Այդ աշխատանքները հագեցած են խոր բովանդակությամբ, գեղանկարչորեն ավելի գունեղ ու բազմազան են։

1962 թվականին Արփենիկ Նալբանդյանը, լինելով Զանգեզուրում, պատկերել է գորիսեցի մի կնոջ` Օվսաննա մայրիկին։ Կտավում պատկերված է կոնկրետ անձնավորություն, սակայն այն ներկայացնում է զանգեզուրցի կանանց հավաքական կերպար։

Նկարագրություն

Արփենիկ Նալբանդյանը տարեց կնոջ խորաթափանց հայացքում ներկայացնում է նրա տարիների ընթացքում կուտակված կյանքի փորձը, աշխատավորուհուն բնորոշ հաստատակամությունն ու կենսախնդությունը։ Նկարչուհին կնոջը պատկերել է կապտականաչավուն ֆոնի վրա՝ բազմագույն զգեստով։

Տվյալներ

Կտավը գտնվում է Հայաստանի ազգային պատկերասրահում։ Նյութը՝ կտավ, յուղաներկ, չափերը՝ 88.5 x 63.5 սմ :

Տես նաև

• Հայաստանի ազգային պատկերասրահ

Գրականություն

• Հայաստանի պետական պատկերասրահ – կատալոգ, Ե., 1965, էջ 137
• Արփենիկ Նալբանդյան – բուկլետ, Հայաստանի պետական պատկերասրահ, Ե., 1974
• Հայաստանի ազգային պատկերասրահ – ալբոմ, հայ., անգլ., ֆրանս., Մարսել, 1992, էջ 138
• Արփենիկ Նալբանդյան 100 (Հեղինակ` Հ Բադալյան) – կատալոգ, Ե., 2016

Ծանոթագրություններ

Արտաքին հղումներ

• Արփենիկ Նալբանդյանի էջը Էդուարդ Իսաբեկյան կայքում(չաշխատող հղում)
• «Գորիսեցի կին (Գորիսեցի Օվսաննա մայրիկը)» կտավը Հայաստանի ազգային պատկերասրահի կայքում