![Մայիսմեկյան միտինգը Թիֆլիսում (նկար, Արփենիկ Նալբանդյան) Մայիսմեկյան միտինգը Թիֆլիսում (նկար, Արփենիկ Նալբանդյան)](/modules/owlapps_apps/img/nopic.jpg)
«Մայիսմեկյան միտինգը Թիֆլիսում» կամ «1901 թվի Թիֆլիսի մայիսյան ցույցը», ՀԽՍՀ վաստակավոր նկարչուհի Արփենիկ Նալբանդյանի 1960 թվականին ստեղծած կտավը։ Նկարը գտնվում է Հայաստանի պատմության թանգարանում։
Կտավն ունի 200 սմ բարձրություն, 130 սմ լայնություն, նյութը՝ կտավ, յուղաներկ։
«Մայիսմեկյան միտինգը Թիֆլիսում» մեծադիր կտավն Արփենիկ Նալբանդյանը վրձնել է երևակայության ուժով և խորունկ սիրով, այն այժմ պահվում է Հայաստանի պատմության պետական թանգարանում։ Այն նկարչուհու հաջողված ու մնայուն ստեղծագործություններից է։
Արփենիկ Նալբանդյանի վերջին տարիների ստեղծագործությունները արդեն վկայում են հասուն ու կազմակերպված վարպետին, որ հագեցած, բովանդակալից կերպարներ ստեղծագործելու համար դիմում է կոմպոզիցիոն նոր հնարների, դեկորատիվ պարզ ընդհանրացումների, արտահայտիչ ուրվագծերի։ Կերպավորման այս միջոցները պատահական չէին նկարչի արվեստում։ Ամենամասնավոր դեպքի մեջ էլ նա ձգտել է ընդհանուրը տեսնել, մի բան, որ մոնումենտալ հնչողություն էր տալիս նրա հատկապես վերջին տարիների ստեղծագործություններին։
Owlapps.net - since 2012 - Les chouettes applications du hibou