javascript is disabled, enable it otherwise the site will not work properly!

javascript est désactivé, activez-le sinon le site ne fonctionnera pas correctement !

Վիտոլդ Բորձիլովսկի

Վիտոլդ Բորձիլովսկի (ռուս.՝ Вито́льд Я́нович Бордзило́вский, դեկտեմբերի 3 (16), 1916, Թիֆլիս, Ռուսական կայսրություն - ապրիլի 23, 1979(1979-04-23), Մոսկվա, ԽՍՀՄ), խորհրդային ռեժիսոր-մուլտիպլիկատոր և նկարված մուլտֆիլմերի բեմադրող նկարիչ, նաև` մանկական դիաֆիլմերի նկարիչ։

Կենսագրություն

Ծագում է լեհական շլյախտայից։ Հայրը` Յան Բորդզիլովսկին, խորհրդային տարիներին բռնաճնշումների է ենթարկվել, մայրը Թերեզա Կաժինսկայան է։ Մայրական կողմից ազգակիցներն են Ալեքսանդրինսկի թատրոնի կոմպոզիտոր և կապելմեյստեր Վիկտոր Կաժինսկին և հայտնի լեհ գրող Թադեուշ Դոլենգա-Մոստովիչը։ Եղբայրը Օլեգ Բորդզիլովսկին է (1929-1998 թվական), նրա կինը Գալինա Ֆեոդորովան է (ծն. 1935 թվական). նրանք եղել են Րյազանի դրամատիկական թատրոնի առաջատար դերասաններ, նրանց դուստրը` Եվգենիա Բորդզիլովսկայան (ծն. 1961 թվական), թատրոնի և կինոյի ռուս դերասանուհի է։

Սովորել է Ադրբեջանի գեղարվեստի ուսումնարանում, որն ավարտել է 1938 թվականին։ Ուսումից հետո աշխատել է որպես նկարիչ-ձևավորող։ Մասնակցել է Հայրենական մեծ պատերազմին։ Պատերազմից հետո ընդունվել է Մոսկվայի Գերասիմովի անվան կինեմատոգրաֆիայի համառուսական պետական ինստիտուտի գեղարվեստական ֆակուլտետ, որտեղ սովորել է 1948 թվականից մինչև 1954 թվականը։

«Սոյուզմուլտֆիլմ» կինոստուդիայում սկսել է աշխատել 1953 թվականին՝ սկզբում որպես բեմադրող-նկարիչ, իսկ 1962 թվականից Յուրի Պրիտկովի հետ` որպես ռեժիսոր։ 1965 թվականից ինքնուրույն ֆիլմեր է նկարահանել։ Աշխատել է նկարված մուլտիպլիկացիայում, նկարահանել է սյուժեներ «Ֆիտիլ» կինոամսագրի համար։ Նաև պատկերազարդել է դիաֆիլմեր։

Մահացել է 1979 թվականի ապրիլի 23-ին, 60 տարեկան հասակում։ Թաղված է Վվեդենսկոյե գերեզմանոցում։

Մրցանակներ

«Մի պարկ խնձոր», Հեքիաթային ֆիլմերի միջազգային կինոփառատոն Օդենսեում (Դանիա, 1975 թվական), «Արծաթե ջրահարս» մրցանակ։

Ֆիլմագրություն

Ագռավը և աղվեսը, կկուն և աքաղաղը (1953 թվական)` բեմադրող նկարիչ
Ընկուզենու շիվը (1955 թվական)` բեմադրող նկարիչ
Աղջիկը ջունգլիներում (1956 թվական)` բեմադրող նկարիչ
Միլիոնը տոպրակի մեջ (1956 թվական)` բեմադրող նկարիչ
Հեքիաթ Չապաևի մասին (1958 թվական` բեմադրող նկարիչ
Ալի Բաբան և քառասուն ավազակները (մուլտֆիլմ, 1959) (1959 թվական)` բեմադրող նկարիչ
Չվերթ համար 13 (1960 թվական)` բեմադրող նկարիչ
Թանկարժեք մետաղադրամը (1961 թվական)` բեմադրող նկարիչ
Երկնային պատմություն (1962 թվական)` ռեժիսոր, բեմադրող նկարիչ
Միլիոնատեր (1963 թվական, «Մեծ ֆիտիլ» ժողովածուում)` ռեժիսոր, բեմադրող նկարիչ
Ո՞վ է մեղավոր (1964 թվական)` ռեժիսոր, բեմադրող նկարիչ
Լուսատտիկը № 5 (1964 թվական)` ռեժիսոր, բեմադրող նկարիչ
Հպարտ նավիկը (1966 թվական)` ռեժիսոր, սցենարիստ
Արծվիկը (1969 թվական)` ռեժիսոր
Խիղճը կերել է (1969 թվական, «Ֆիտիլ» № 90)` ռեժիսոր, բեմադրող նկարիչ
Ամենագլխավորը (1970 թվական)` ռեժիսոր
Օտար հետքերը (1971 թվական)` ռեժիսոր
Բադիկը, որ չէր կարողանում խաղալ ֆուտբոլ (1972 թվական)` ռեժիսոր
Ինչպե՞ս է դա պատահել (1973 թվական)` ռեժիսոր, բեմադրող նկարիչ
Մի պարկ խնձոր (1974 թվական)` ռեժիսոր
Լեգենդ ծեր նավաստու մասին (1976 թվական)` ռեժիսոր
Ձմեռ պապը և գորշ գայլը (մուլտֆիլմ, 1978) (1978 թվական)` ռեժիսոր
Թե ինչպես երաժիշտ բադիկը դարձավ ֆուտբոլիստ (1978 թվական)` ռեժիսոր