Zainketa aringarriak eta zinema bereziki azken urteotan gero eta lotuago datoz, baina arlo bien arteko harremana azken hamarraldietan ehundu bada ere gai hauek jorratu izan dira aspaldiko urteetatik: heriotza eta hori baino lehenagoko bizitzaren azken faseak, minbizia eta bizimina, doluaren prozesua, zahartzaroa, elbarritasuna, gaixotasun kroniko aurreratuak eta dementzia, eutanasia, suizidioa, espiritualtasuna, osasungintzaren humanizazioa eta gaixoen zainketa, bereziki.
Izan ere, 1930eko hamarkadatik film klasiko gutxi batzuetan gai hauek guztiak tratatu izan dituzte, baina batez ere 1990eko hamarkadatik aurrera ekoizpena bizkortu egin da, espezialitatearen garapenarekin eta gizartearen interesarekin batera. Halaber, oso kontuan hartzekoa da europar ekoizpena azken denbora tarte honetan.
Hala ere, salbuespenak salbuespen, publiko zabalera normalean iristen ez diren pelikulak ditugula esan beharra dago. Sarritan pertsonalki ukitutako jendea da lan hauetara hurbiltzen dena, eta zentzu honetan aitortu behar diegu hainbat filmei zinematerapiaren ahalmen hori.
Formatoei dagokienez, azkenik, fikziozko film luzeekin batera dokumentalak eta animaziozko lanak ditugu jarraian agertzen diren zerrendetan.
Owlapps.net - since 2012 - Les chouettes applications du hibou