Gaston Thorn

Gaston Thorn (Luxenburgo, 1928ko irailaren 3a - ib., 2007ko abuztuaren 26a) luxenburgotar politikaria izan zen.

Bizitza

Aita alemaniarrek atxilotu zuten, Bigarren Mundu Gerran nazien aurrerabidea eragozteko burdinbidea hondatzeaz akusaturik. Orduan bera eta bere ama erresistentziari laguntzen hasi ziren. 1943an, baina, preso hartu zuten. Gerra amaitu zenean, zuzenbide-ikasketak egin zituen Montpellier, Lausana eta Parisko unibertsitateetan. Lanean hasi zen legelari gisa, baina berehala sartu zen politikan.

1959an Luxenburgoko Legebiltzarreko kide hautatu zuten, Luxenburgoko Alderdi Liberalaren ordezkari. Bederatzi urte geroago, eta 1982. urtera arte, International Liberaleko lehendakari izan zen. Halaber, 1976tik 1980ra bitartean, Alderdi Liberal eta Demokratikoen lehendakaritza hartu zuen Europar Batasunaren baitan.

1968ko Legegintzarako hauteskundeen ondoren, Kanpo Arazoetako eta Kanpo Merkataritzako ministro izendatu zuten. Hurrengo urtean Heziketa Fisiko eta Kiroletako Ministerioaren ardura hartu zuen. 1974ko maiatzean hauteskunde orokorrak deitu ziren berriro, eta liberalen eta sozialisten arteko koalizio-gobernu bat sortu zen haietatik. Gaston Thonr lehen ministro hautatu zuten, eta 1979. urtera arte izan zen kargu horretan. 1977tik 1980ra bitartean Ekonomiako ministro izan zen, eta 1979-1980 bitartean, gobernu-lehendakariorde eta Justiziako ministro. 1981eko urtarrilaren 1ean Europako Batzordeko lehendakari izendatu zuten. 1985ean utzi zuen kargua, Jacques Delorsen eskuetan.

Erreferentziak

Kanpo estekak

1. Pierre Werner
2. Jacques Delors
3. Irailaren 3
4. Abuztuaren 26
5. Franco Maria Malfatti
6. Abdelaziz Bouteflika
7. Roy Jenkins
8. 1928
9. Walter Hallstein
10. Irailaren 26
11. Jean Rey (politikaria)
12. 2007
13. François-Xavier Ortoli
14. Romano Prodi
15. Jacques Santer
16. Manuel Marín
17. Jean-Claude Juncker
18. Jean Monnet
19. Sicco Mansholt
20. José Manuel Durão Barroso