Բյուզանդիան Հուստինիանոսների օրոք

Բյուզանդիան Հուստինիանոսների օրոք, Բյուզանդական կայսրության պատմության մի ժամանակաշրջան, երբ կայսրությունը կառավարվում էր Հուստինիանոսների հարստության կողմից։ Ժամանակաշրջանը սկսվեց Հուստինոս Ա-ի գահակալմամբ։ Հարստության հզորությունը երևաց վերջինիս հաջորդի՝ Հուստինիանոս Ա-ի օրոք։ Հուստինիանոսը կազմակերպեց մի շարք արշավանքներ իր երկու՝ Բելիսարիուս և հայազգի Նարսես զորավարների գլխավորությամբ, որի հետևանքով կայսրության տարածքը գրեթե կրկնապատկվեց։

6-րդ դարի կեսերին ժանտախտը և ռազմական մեծ ծախսերը հյուծեցին կայսրությունը։ Ֆինանսական խառնաշփոթը ստիպեց Հուստինիանոսի հաջորդին՝ Հուստինոս Բ-ին հետաձգել ավարներին վճարող հարկը, որի հետևանքով վերջիններիս ճնշման տակ լանգոբարդները ներխուժեցին Իտալիա։

Սիրիայում ընթացող պատերազմը Սասանյան Իրանի հետ ավարտվեց բյուզանդացիների պարտությամբ։ Շուտով հոգեկան խանգարման հետևանքով Հուստինոսը մահացավ։ Նրան հաջորդեց Տիբերիոս Բ-ն և հաջողությամբ պատերազմեց պարսիկների դեմ Հայաստանում և բերբերների դեմ հյուսիսային Աֆրիկայում։

Հարստության վերջին ներկայացուցիչը՝ Մորիկը, ցուցաբերեց բարձր կամային հատկանիշներ և ռազմական տաղանդ, որոնց շնորհիվ նա կարողացավ ջախջախել պարսիկներին և կայսրության հյուսիսային սահմանը դարձնել Դանուբ գետը։ Սակայն կայսրությունում ժողովուրդը Մորիկին չէր աջակցում և 602 թ-ին հեղաշրջման հետևանքով գահ բարձրացավ Փոկասը. այդպես ավարտվեց Հուստինիանոսների հարստության դարաշրջանը։

1. Բյուզանդիան Հերակլիոսների օրոք
2. Բյուզանդական կայսրություն
3. Հայկական (Մակեդոնական) հարստություն
4. Սահակ (զորավար)
5. Հուստինիանոս Բ Ռինոտմետոս
6. Եդեսիա
7. Ալեքսիոս Ա Կոմնենոս
8. Բյուզանդա-արաբական պատերազմներ
9. Հաշտյանք
10. Կոստանդ Բ
11. Հերակլիոս-Կոստանդին Գ
12. Բյուզանդական Հայաստան
13. Բյուզանդական կայսրության բանակ
14. Անդրոնիկոս Ա Կոմնենոս
15. Ազնվականություն
16. Հորդանես (պատմագիր)
17. Հին Հռոմ
18. Հայաստանը վաղ միջնադարում
19. Հունաստանի պատմություն
20. Բյուզանդիայի ճարտարապետություն