Ելիզավետա Մնացականովա

Ելիզավետա Մնացականովա (ռուս.՝ Елизаве́та Арка́дьевна Мнацака́нова, մայիսի 31, 1922(1922-05-31), Բաքու, Ադրբեջանական ԽՍՀ - սեպտեմբերի 10, 2019(2019-09-10), Վիեննա, Ավստրիա), ազգությամբ հայ ռուսական և ավստրիական բանաստեղծուհի, թարգմանչուհի, երաժշտագետ։

Կենսագրություն

Ծնվել է 1922 թվականին Բաքվում։ Նրա հայրը բժիշկ և բանաստեղծ Արմեն Սյունին (Արկադի Մնացականյան) է։ 1945 թվականից բնակվել է Մոսկվայում, սովորել է Մոսկվայի պետական համալսարանի բանասիրական ֆակուլտետում։ 1950 թվականին ավարտել է Մոսկվայի կոնսերվատորիան, 1953 թվականին՝ կից ասպիրանտուրան։ Երաժշտագիտական գրքերի և էսսեների հեղինակ է։

Թարգմանել է գերմանա-ավստրիական պոեզիա (Նովալիս, Ֆրիդրիխ Հյոլդեռլին, Ռայներ Մարիա Ռիլկե, Գեորգ Թրակլ, Պաուլ Ցելան և այլք)։ 1964 թվականից ստեղծագործում է տեսողական պոեզիայի ժանրում, իր տեքստերում համակցում է տառատեսակային և գեղանկարչական տարրերը։ Հանդես է գալիս նաև ամուսնական Նեցկովա ազգանունով։

1975 թվականից ապրում է Վիեննայում, գրում է ռուս և գերմանական լեզուներով, զբաղվում ինքնաթարգմանությամբ։ Մասնակցում է Եվրոպայում, Իսրայելում, ԱՄՆ-ում անցկացվող գրական-գեղարվեստական ներկայացումներին։ Մինչև 1990-ականները Ե. Մնացականովայի ստեղծագործությունները ԽՍՀՄ-ում և Ռուսաստանում չեն հրապարակվել, բացառությամբ երկու բանաստեղծության «Լիտերատուրնայա Արմենիա» ամսագրում (1971):

Ելիզավետա Մնացականովան հայերեն

• Բանաստեղծություններ։ Արդի ռուսական վերլիբռ, Ստեփանակերտ, «Ոգի-Նաիրի», 2015, էջ 213-221։ Թարգմ.՝ Ավագ Եփրեմյան։

Ծանոթագրություններ

1. Ավագ Եփրեմյան
2. Աննա Գլազովա
3. Վլադիմիր Արիստով
4. Ելենա Ֆանայլովա
5. Գենադի Այգի
6. Ռի Նիկոնովա
7. Վլադիմիր Էռլ
8. Վիկտոր Կրիվուլին
9. Վսեվոլոդ Նեկրասով
10. Ելենա Շվարց
11. Մարգարիտա Մեկլինա
12. Իրինա Շոստակովսկայա
13. Միխայիլ Գասպարով
14. Անդրեյ Բիտով
15. Օլգա Սեդակովա
16. Յուլիա Վալիևա
17. Պոլինա Բարսկովա
18. Մարիաննա Գեյդե
19. Ալեքսանդրա Պետրովա
20. Ալլա Գորբունովա