Black Lab, ամերիկյան ռոք խումբ, որը ստեղծվել է Բերկլիում, Կալիֆոռնիայում 1995 թվականին, սակայն այսօր այն Լոս Անջելեսում է։
Խումբը իր առաջին ալբոմը թողարկել է Geffen Records լեյբլում։ Այն կոչվում էր Your Body Above Me: Ինչպես նաև թողարկել է երկու ռադիո հիթ ԱՄՆ-ում՝ «Wash It Away» 1997 թվականին և «Time Ago»։ 1999 թվականին խումբը դադարեցրեց իր աշխատանքը Geffen Records լեյբլի հետ և պայմանագիր կնքեց Epic Records-ի հետ։ Սակայն այս լեյբլի հետ ոչ մի ալբոմ չի թողարկել և 2 տարուց դադարել է աշխատել։
Այժմ խումբը ոչ մի լեյբլի հետ պայմանագիր չունի ստորագրած։ Խումբը թողարկել է մեկ մինի ալբոմ և երեք ալբոմներ (2010 թվականի հոկտեմբերին)։ Passion Leaves a Trace ալբոմը թողարկվել է 2007 թվականին։ Ալբոմի կազմում է Mine Again սինգլը, որը խմբին մեծ ճանաչում է բերել համացանցում։ Այժմ խմբի հիմնական անդամներն են՝ Փոլ Դյուրեմը և Էնդի Էլիսը, նրանց ձայնագրման գործում աջակցում են Իսահակ Քարփենթերը և Բրայան Փատուրալսկին։
Փոլ Դյուրեմի երաժշտական կարիերան սկսվել է իր հայրենի քաղաքում՝ Տուին-Ֆոլսում, երբ նրան առաջարկել են երգել տեղի երգչախմբում։ Օբերլինի քոլեջն ավարտելուց հետո Դյուրեմը ուսուցիչ է աշխատել Սան Ֆրանցիսկոյի հյուսիսային երկրամասում, միևնույն ժամանակ ստեղծել է իր առաջին երաժշտական խումբը, որը կոչվում էր Durham։ Խումբը չի ունեցել պաշտոնական թողարկումներ, միայն ձայնագրություններից մի քանիսը հրապարակվել են 2004 թվականին, որպես Փոլ Դյուրեմի սոլո ալբմի մի մաս (Ten Million Years)։ 1995 թվականին խումբը դադարել է գործել։ Փոլ Դյուրեմը պայմանագիր է կնքել բաս կիթառահար Ջեֆ Սթենֆիլդի, կիթառահար Մայքլ Բելֆերի և թմբկահար Բրայան Հեդի հետ։ Խմբի անունը կազմված է երկու խմբերի անուններից՝ Black Sabbath և Stereolab։
Owlapps.net - since 2012 - Les chouettes applications du hibou