Ֆրենսիս Ֆորդ Կոպպոլա (անգլ.՝ Francis Ford Coppola, ապրիլի 7, 1939(1939-04-07)[…], Դետրոյթ, Միչիգան), ամերիկացի կինոռեժիսոր, լրագրող, գինեվաճառ, ամսագրերի հրատարակող և հյուրանոցների ցանցի տեր։ Նրան մեծ ճանաչում է բերել իր «Կնքահայրը» կինոեռագրությունը և Վիետնամի պատերազմի մասին Ապոկալիպսիսը հիմա ֆիլմը։
Դերասանուհի Տալիա Շայրի եղբայրն է, դերասան Նիկոլաս Քեյջի հորեղբայրը և Ջեյսոն Շվարցմանի մորեղբայրը և ռեժիսոր Սոֆիա Կոպոլայի հայրը։ Կոպպոլան «Օսկար» մրցանակի հնգակի դափնեկիր է, «Ոսկե արմավենու ճյուղի»՝ երկակի դափնեկիր։
Ծնվել է 1939 թվականի ապրիլի 7-ին Միչիգան նահանգում՝ Դետրոյթ քաղաքում։ Ծագումով իտալացի է։ Ավարտել է Հոֆստրայի քոլեջը և Լոս Անջելեսի Կալիֆոռնիական համալսարանի կինոդպրոցը։ 1963 թվականին նկարահանեց իր առաջին ֆիլմը՝ Dementia 13։ 1975 թվականին Կալիֆոռնիայում խաղողի այգիով տուն ձեռք բերեց և սկսեց զբաղվել գինեգործությամբ։ Այսօր նրա գինեգործարանը արտադրում է ավելի քան 10 տեսակի գինիներ։ Sofia գինին նա անվանել է իր դստեր՝ Սոֆիա Կոպոլայի պատվին։
Ֆրենսիս Ֆորդ Կոպպոլան գնահատել է հայ կինոռեժիսորներ Փարաջանովին և Միքայել Վարդանովին։
Առաջին «Օսկարը» ստացել է 1971 թվականին «Պատտոն» (1970) ֆիլմի համար (որպես լավագույն սցենար, Ֆրենսիս Ֆորդ Կոպպոլան ներկա չէր մրցանակաբաշխությանը)։ Երկրորդը ստացել է 1973 թվականին Կնքահայրը (1972) ֆիլմի համար (որպես լավագույն սցենար), երրորդը, չորրորդը և հինգերորդը՝ Կնքահայրը 2 (1974) ֆիլմի համար (որպես լավագույն ռեժիսոր, սցենար և կինոնկար)։
Owlapps.net - since 2012 - Les chouettes applications du hibou