Էլմո Քենեդի Օ’Կոնոր (անգլ.՝ Elmo Kennedy O'Connor, հունվարի 11, 1994(1994-01-11), Muir Beach, Մարին շրջան, Կալիֆոռնիա, ԱՄՆ, հայտնի է նաև Bones մականունով, ոճավորված է որպես BONES), ամերիկյան ռեփեր Միչիգան նահանգի Հաուել քաղաքից։ Հայտնի է իր արդյունավետությամբ. 2011 թվականից ի վեր թողարկել է 56 միքստեյփ և 100-ից ավելի տեսահոլովակ, ինչպես նաև լեյբլների դեմ բողոքներով և իր երաժշտության համար գումարի պահանջներով՝ չնայած իր մեծ ճանաչմանը և իր նկատմամբ բազմաթիվ լեյբլների հետաքրքրվածությանը։ 2015 թվականին A$AP Rocky-ի հետ ահամտեղ թողարկված նրա «Canal St.» երգն զբաղեցրել է 39-րդ հորիզոնականը Billboard Hot R&B/Hip-Hop Songs հիթ-շքերթում և 34-րդ հորիզոնականը On-Demand Songs հիթ-շքերթում։
Էլմո Քեննեդի Օ’Քոնորը ծնվել է Կալիֆոռնիա նահանգի Մարին շրջանում։ Նրա մայրը աշխատել է որպես դերձակուհի, իսկ հայրը՝ վեբ դիզայներ։ Դերասան Ռոբերտ Կալլը նրա պապն է։ Նախքան Հաուել տեղափոխվել նրա ընտանիքն ապրել է Մյուր Բիչում (Կալիֆոռնիա)։ Երբ լրացավ Օ’Քոնորի 7-ամյակը, նրանք տեղափոխվել են Միչիգան։ 16 տարեկանում նա թողել է դպրոցը և տեղափոխվել Լոս Անջելես, որտեղ ապրում էր նրա եղբայր Էլլիոթը։
2010 թվականին դեռևս ոչ հայտնի Էլմո Քենեդին սկսել է ձայնագրել երգեր Th@ Kid կեղծանունով։ Այն ժամանակ նրա երգերը չեն ունեցել որևէ իմաստ, կատարողը պատմել է իր զիլ լինելու մասին։ Այդ կեղծանունով Էլմոն նաև թողարկել է մեծ թվով միքսթեյփներ։
Երկու տարի անց երգիչը որոշել է փոխել իր կեղծանունը և, կարելի է ասել կերպարանափոխվել է Th@ Kid-ից Bones-ի։ Այսպիսով՝ ռեփերը նկարահանել է իր տեսահոլովակները VHS ֆորմատով։ Բայց նույնիսկ կեղծանուն փոխելուց հետո նրա երգերի իմաստը համարյա չի փոխվում։ 2012 թվականին նա թողարկում է 2 նոր երգ իր նոր կեղծանունով։
2012 թվականին Bones ստեղծում է TeamSESH կոլեկտիվը, որի կազմում ներառվում են ոչ միայն երաժիշտներ, այլ նաև ռեժիսորներ և լուսանկարիչներ։
2013 թվականին ռեփերը կապ է հաստատել Raider Klan խմբի հետ, ինչը նրան օգնում է ծանոթանալ նոր մարդկանց հետ, ինչպես նաև Bones’у-ն սկսում է ձեռք բերել հայտնիություն։ Raider Klan-ում Էլմոն ծանոթացել է Xavier Wulf-ի և Chris Travis-ի հետ (մինչ օրս աշխատում է նրանց հետ)։ 2013 թվականին նա թողարկել է 9 միքսթեյփ, մեծ ճանաչում է ձեռք բերել «Creep»-ը, որտեղ կային Yung Lean-ի, Eddy Baker-ի, JK The Rapper-սի, Na$ty Matt-ի և Slim Guerilla-ի համատեղ աշխատանքներ։ «Creep» միքսթեյփի որոշ երգեր ունեն լիրիկական տողեր։ Ամենամեծ աշխատանքը Էլմոն կատարել է PaidProgramming ալբոմի վրա։
2014 թվականին երգիչը թողարկել է 5 լիարժեք ալբոմ։ Էլմոն արդեն թափ էր հավաքում, և բոլոր ալբոմները ժողովրդականություն են վայելել։ «TeenWitch» ալբոմը գրելու ժամանակնա ոգեշնչվել է Columbine դպրոցի աղետալի դեպքից, այդ պատճառով ալբոմն ստացվել է բավական հանգիստ, իսկ գործիքներում գերկշռում է կիթառը։ 2014 թվականի հուլիսի 9 համացանցում հայտնվել է Bones-ի և $uicideboy$-ի համատեղ աշխատանքը։
2015 Bones հասել է իր հայտնիության գագաթնակետին։ Դա եղել է հիմնականում ռեփեր A$ap Rocky-ի շնորհիվ, որն ստեղծել է Էլմոյի «Dirt» հայտնի երգի ռեմիքսը, որը եղել է 2013 թվականին «Scumbag» ալբոմի մաս։ 2015 թվականին Էլմոն թողարկել է 7 խոշոր ռելիզ, որոնցից մեկը Dylan Ross-ի հետ է։
2016 թվականի սկզբին Bones-ը թողարկել է «Useless» ալբոմը։ Ալբոմի մեծ մասն ստեղծվել է Bones-ի համար նոր ոճով՝ ռեփ մետալ։ Bones-ը նմանատիպ երաժշտություն ստեղծել էր թվականներին, իսկ այժմ կրկին վերադարձել է դրան։ 2016 թվականի հուլիսի 24 Էլմոն թողարկել է 2013 թվականին թողարկված ալբոմի երկրորդ մասը՝ PaidProgramming2։
2017 թվականին թողարկել է 6 ռելիզ, որոնցից ամենանուշագրավն էին՝ Disgrace, Failure, Carcass (Կմախք)։ 2018 թվականին Bones-ը շրջագայության է մեկնել Եվրոպա, որը կոչվել է DeadBoyTour։ Այն ներառել է 19 եվրոպական քաղաք, որոնցից են՝ Կիև, Մինսկ, Մոսկվա, Եկատերինբուրգ և Սանկտ Պետերբուրգ։
2018 թվականին երգիչը հայտարարել է Xavier Wulf-ի հետ համատեղ KRATER’S ATLAS միքստեյփի և առանձին TheManInTheRadiator ստեղծագործության մասին։ Ապրիլի 20-ին թողարկվել է «Augmented» ալբոմը, որն ստեղծվել է Cat Soup պրոդյուսերի հետ։ Օգոստոսին 15-ին թողարկվել է «LivingSucks» աշխատանքը։
2019 թվականին Էլմոն թողարկել է SparrowsCreek ալբոմը Էդի Բեյքերի հետ։ Այդ ժամանակ էլ մեկնել է CreepTour 2019 կոչվող համերգային շրջագայության, ինչպես նաև անոնսային տարբերակով հայտարարել է FailureTour Canada 2019 շրջագայության մասին։ Էլմոն ներկայացրել է Curtis Heron մասնակիցների հետ համատեղ ալբոմը, որը կրում էր Disappointment անունը։ Քիչ հետո նա հայտարարել է KRATER’S ATLAS-ի համատեղ ալբոմից LifeAsAMelody երգը։ Թողարկել է UnderTheWillowTree ալբոմը։ UnderTheWillowTree նոր ալբոմի Eiffel65 երգից հայտնի է դարձել, որ Էլմոն պատրաստվում է թողարկել PaidProgramming3 ալբոմը։
Bones-ն իր հիմնական կեղծանունից բացի ունի ևս մի քանի այլ կեղծանուններ, սակայն ամենանշանակալին Surrenderdorothy-ն է։ Surrenderdorothy-ն խումբ է, որի կազմում ներառված են Bones-ը և TeamSESH-ի բիթմեյքեր Greaf-ը։ Այս խմբի երաժշտական հնչեղությունը տարբերվում է սովորականից, մասնավորապես Էլմոյի երգելը (Bonesը սովորաբար կարդում է և նույնիսկ գոռում)։ Չնայած բավականին կոպիտ ձայնին՝ երգելը Էլմոյի մոտ վատ չի ստացվում, իսկ Greaf-ի հանգիստ մինուսները (ոչ միշտ բիթերը) լավացնում են և ներդաշնակություն հաղորդում կոմպոզիցիաներին։ Կերպարն ստեղծվել է 2014 թվականին։
Եվս մեկ կերպար, որտեղ նա չի օգտագործում իր հիփ հոփի ունակությունները և ելույթ է ունենում կիթառով։ Բայց ի տարբերություն surrenderdorothy-ի, պետք է ջանք թափել նրա կերպարի համար մեղեդային երգեր գտնելու համար։ Հիմնականում դրանք անհանգիստ երգեր են, որոնցում երգիչն օգտագործում է սքրիմինգ։ Կերպարն ստեղծվել է 2015 թվականին։ Greaf-ը նույնպես ստեղծել է մինուսներ այս կերպարի համար։
Bones նախագիծն ստեղծվել է «PaidProgramming2» ալբոմի թողարկումից առաջ։ Հեղինակը ոգեշնչվել է 1970-1980-ականների արտիստներից, որը կարելի է լսել Ricky A Go Go երգերում։ Ricky A Go Go երգերի ոճը փոփն է։ Կերպարն ստեղծվել է 2016 թվականին։
Օ'Քոնորը ապրում է Կալիֆոռնիա նահանգի Գլենդել քաղաքում իր հարսնացու Սամանտայի հետ։ Նրանք ծանոթացել են Դիսնեյլենդում։ 2019 թվականի մարտին Օ'Քոնորը հայտարարել է, որ Սամանտան սպասում է իրենց առաջին երեխային։
որպես BONES
որպես Th@ Kid
որպես surrenderdorothy
որպես BONES
որպես surrenderdorothy
որպես OREGONTRAIL
ինչպեսRicky a Go Go
Owlapps.net - since 2012 - Les chouettes applications du hibou